A Organización Profesional Agraria Xóvenes Agricultores, ASAJA Galicia, a de maior representación en Galicia, insta á Consellería do Medio Rural da Xunta de Galicia ao arquivo inmediato do borrador de Anteproxecto de Lei de Prevencion e Defensa contra Incedios Forestais e a unha revisión profunda, seria, consensuada e real da problemática dos incendios. Ista Lei debe contar con tódolos sectores afectados e relacionados co Medio Rural, para así conseguirmos sen precipitacións unha Lei necesaria pero có rigor científico e técnico que merece, non meramente coercitiva e feita de costas á propiedade rural, e dendo logo, acompañadas das medidas de apoio que merece.

A xuizo de Xóvenes Agricultores, o medio forestal se integra e complementa totalmente nas explotacións agrarias. E desgraciadamente, con iste Anteproxecto de Lei, a Consellería de Medio Rural amosa unha visión totalmente distinta ao calificar o “forestal” como unha ameaza que hai que gravar, limitar e sancionar, sin contemplar ningún tipo de axuda que dinamice un sector tan valioso para o desenvolvemento rural do noso pais.

Para Xóvenes Agricultores, con este anteproxecto de Lei a Consellería de Medio Rural fai unha deixación das súas funcións en canto á ordenación de usos do territorio en Galicia. E pola contra limítase a impoñer dictatorialmente medidas sen ningún aval técnico ou científico que o único que fan, en vez de aportar solucións viables aos incendios, é afogar económicamente ás explotacións agrogandeiras.

Un exemplo do carácter sancionador da Lei é a intención de cobrar taxas de extinción aos propietarios de parcelas no medio. Xóvenes Agricultores estima que se trata dunha medida represora, recadatoria e pouco constructiva que hipotéticamente trata de reducir os lumes pola vía da ameaza.

Ista medida é inutil e inxusta, toda vez que os cidadáns xa contribúen ao mantemento dun servizo de extinción que ata o de agora foi moi eficaz (ainda que precise mellorarse) e que mantiña dende 1990 as superficies queimadas por debaixo das 2,7 hectáreas por lume.

Iste ano, polo contrario, con menos ou igual número de lumes e que se produciron nas mesmas parroquias de risco de sempre; as superficies queimadas foron inmensas, ardendo incluso parcelas ordenadas e ben coidadas.

Xóvenes Agricultores entende que as medidas represoras puras son estériles sobre todo cando non van acompañadas de axudas económicas ou apoios para a valoracións do medio rural, sobre todo en zonas deprimidas ou de montaña.

Xóvenes Agricultores aposta polo “premio” e non polo “castigo”. A solución do problema dos lumes pasa, en primeiro lugar, pola educación e polo mantemento do servizo de extinción e, despois, polo apoio aos gandeiros, agricultores e silvicultores que realicen boas prácticas agroforestais.

Ao noso entender, o propietario rural é o verdadeiro xestor dos sistemas agrarios, forestais e medioambientais e ofrece á sociedade multitude de servizos que moitas veces non son valorados, na súa xusta medida, sobre todo pola sociedade urbana. En definitiva, a conservación e desenvolvemento do medio rural precisa non de Leis únicamente represoras senon de medidas de ordenación territorial e de políticas de apoio ao sector.

15 de decembro de 2006