O sindicato convida a Miguel Arias Cañete a que corrixa, tal como se comprometeu durante a campaña electoral, o agravio comparativo que se está producindo dunhas comunidades perceptoras de axudas sobre outras e duns sectores produtivos respecto de outros.

A reforma da PAC prima o factor superficie para o reparto de axudas e non corrixe un dos graves defectos existentes na actualidade como é o feito de que se continúa fomentando o feito de que poida recibir axudas derivadas dunhas rendas que apenas superan o 5% de rendibilidade, prexudicando a aqueles que se dedican plenamente a actividade agrogandeira.

Ámbolo factores supoñen un grave atranco os produtores galegos xa que existen 28.000 explotacións que carecen de territorio debido a falta dunha política territorial seria da Xunta de Galicia a través do Banco de terras con accións de presión sobre fincas abandonadas que por outra banda, soen ser foco de incendios forestais.

Por outro lado, Roberto García, secretario xeral de UUAA, reclama unha concreción inmediata dos contidos normativos previstos no Paquete Lácteo –que xa conta co visto e prace da Unión Europea–, para que os novos contratos homologados poidan ser aplicados desde o vindeiro 1 de abril, data de comezo da campaña láctea. Tendo en conta que a norma quedou aprobada polo Executivo saínte e despois do acordo acadado entre o Parlamento e o Consello europeo, para o sindicato non existe ningún impedimento para que o novo Goberno poña en marcha de inmediato un regulamento fundamental para que os gandeiros poidan mellorar as súa capacidade de negociación coas industrias.

Neste sentido, Roberto García espera que o novo ministro convoque de inmediato as organizacións agrarias a unha mesa de dialogo construtivo, polo que afirma que “non queremos prexulgar a boa diposición de Arias Cañete, aínda que non esquecemos o mal sabor de boca que nos deixou a todos o seu anterior paso polo Ministerio de Agricultura”.