UUAA denuncia os retrasos nos pagos das axudas pola falta de persoal e o caos administrativo no fogga

O sindicato Unións Agraria denuncia os retrasos na tramitación das axudas da PAC pola falta de persoal e caos administrativo que se ten instalado desde hai meses na unidade de xestión do FOGGA, dependente da Consellería de Medio Rural.

Tal como ten sabido o sindicato, a través do propios traballadores do departamento, os traslados nos postos de traballo e a falta de cobertura das baixas van a traer consigo que os produtores reciban tarde e mal os fondos comunitarios que teñen solicitado.

Ao igual que denunciara a organización agraria o pasado ano no que un gran número de explotacións gandeiras de Galicia tiveron retraso de moitos meses en recibir as axudas da PAC correspondentes ao ano 2015, e que nalgúns casos aínda perduran os impagos das anualidades tanto do 2015 como do 2016. Non se entende que neste exercicio de dea a mesma falta de sensibilidade da Xunta para un sector que como o lácteo está a atravesar unha gravísima falta de liquidez pola caída en picado dos prezos do leite en orixe.

Desde UUAA non se entende que en plena campaña da PAC a Consellería non consiga poñer orde nos equipos de tramitación para evitar retrasos cando moitas explotacións galegas están en perdas polo que a entrada de fondos derivados da PAC resultan imprescindibles para afrontar minimamente os pagos.