O secretario Xeral de Unións Agrarias, Roberto García vén de reunirse co conselleiro do Medio Rural, Samuel Juárez, para presentarlle os contidos dun informe sobre a situación da produción de carne de bovino na nosa comunidade. No documento, que foi elaborado polo sindicato despois de manter ó logo de meses reunións sectoriais, queda de manifesto a necesidade de reorganizar este sector en dúas marcas de garantía, como son Ternera Gallega e VAC.1, de xeito que tódala produción cárnica galega quede amparada baixo selos de calidade diferenciada.

No transcurso da conversa Roberto García trasladoulle ao conselleiro as liñas de actuación que Unións Agrarias considera estratéxicas para a estabilización e despegue do sector de vacún de carne en Galicia:

– Potenciar o consumo de carne galega, trasladando ó consumidor a máis ampla información sobre a súa calidade e trazabilidade ata a porción-cliente.

– Ligar a producción ó territorio, certificar baixo TG a totalidade dos xatos das diferentes razas existentes en Galicia, procedentes de explotacións con vacas nodrizas ligadas ó territorio. Esto implica unha aposta por un produto de alto valor engadido, procedente da actividade gandeira tradicional e sostible que preserva a riqueza medioambiental e rural do seu entrono.

– Posta en marcha de VAC.1, marca para a comercialización do vacún maior. Este selo engloba animais maiores de 10 meses cunha alimentación diferenciada baseada na forraxe, asegurando asi a trazabilidade dun produto altamente demandado e valorado pola sociedade.

– Aumentar a autonomía alimentaria das explotacións en base a producción de forraxe, isto fará rendible o sistema de cebo dos animais.

Na nosa comunidade o sector cárnico esta formado por un 20% de vacas nodrizas, 30% vacas de leite e 50% de xatos cebo (60% mamóns e 40% pasteiros) e aínda que ocupa 3º posto a nivel nacional cun 14% despois de Cataluña(19%) e Castilla León (17%), non chega o autoabastecemento.

O sector de vacas nai é fundamental para o aporte de xatos para cebo procedentes das principais zonas produtoras de gandería de leite (Galicia, Asturias e Castilla León), que supoñen cerca de 1,7 millóns de xatos, aínda así España importa anualmente 600.000 xatos para ser cebados principalmente nas zonas Cataluña e Aragón. No ano 2009 as importacións nivel nacional de carne de vacún alcanzaron as 188.000Tn, aumentando un 37% fronte ás contabilizadas no ano 2008.

Actualmente dos 105.000 xatos que se marcan como TG solo se certifican 70% entre todas as categorías, xa que ó gandeiro non lle compensa pagar os 0,60€/kg canal que lle custa poñer o selo, polo que, cerca de 45.000Tn de carne de calidade recoñecida está sen certificar. Se a este dato lle engadimos a carne de vacún maior, case 41.000Tn, que actualmente non esta amparada baixo ningunha marca (nun futuro VAC.1), teríamos un total de 86.000Tn de carne de bovino procedente de Galicia que se comercializa sen denominación nin selo de garantía.