A Asociación de Criadores de Aves de Galicia en colaboración con Unións Agrarias van convocar a unha asemblea na primeira quincena de novembro, aos produtores galegos de polo para pechar un plan de accións contundentes para denunciar a prepotencia das grandes cadeas de distribución que coas súas trampas comerciais obrigaron a botar o peche xa a 100 granxas nos últimos 6 meses.
Tanto ACRIAGA como UUAA levan meses trasladando a institucións como o Parlamento de Galicia e o Consello Galego da Competencia a grave situación económica que está atravesa o sector avícola en Galicia, debido a banalización en prezo que se sigue a impoñer a carne de polo nos lineais de supermercados. A boa acollida do presidente do CGC e a sensibilización dos grupos parlamentarios, incluído o Partido Popular, contrasta co desprezo co que trata aos avicultores a conselleira de Medio Rural e mesmo o presidente da Xunta de Galicia xa que a pesar de terlles remitido varios informes da situación alarmante que travesa o sector, seguen se sentarse sequera co sector avícola para coñecer a súa problemática.
Unha situación que xa provocou perdas no sector de máis 50 millóns e está poñendo en perigo máis de 5.000 empregos dada a situación financeira que atravesan e produtores, fábricas de penso, matadoiros, industrias de transformación, etc. Os avicultores de polo avisan, que no caso dun peche masivo das granxas as cadeas de distribución terían que abastecerse con carne de terceiros países que non teñen as mesmas esixencias e garantías sanitarias que o requirido pola normativa europea, o que iría en prexuízo dos consumidores.
Deja un comentario