O secretario xeral de Xóvenes Agricultores, Francisco Bello, cualificou hoxe de avance “moi importante” o preacordo acadado onte á noite na reunión da INLAC –celebrada en Madrid baixo a presidencia da ministra de Medio Ambiente, Medio Rural y Marino, Elena Espinosa-. O preacordo, que recolle básicamente as reivindicacións mantidas por Xóvenes Agricultores dende hai tempo, pon ao servizo do sector lácteo, segundo explicou Bello, unha ferramenta “xurídica” e unha “garantía política” para dar sostibilidade ao sector.
En opinión de XX. AA., ese preacordo, que hoxe mesmo analiza en Madrid a Sectorial Láctea de ASAJA, é unha oportunidade para o sector produtor “de vertebración y homoxeneización”, características que, segundo explicou Bello, “brillaban pola súa ausencia ata agora”.
O preacordo, que terá que ser ratificado o vindeiro día 8 de outubro, incorpora as recomendacións do Grupo de Alto Nivel (GAN) de expertos da UE, cuxas conclusións foron tamén onte asumidas polos ministros de Agricultora da Unión. Así, fomentárase a utilización dos contratos homologados como medio de relación entre os distintos eslabóns da cadea de producción e comercialización do sector lácteo. Cómpre lembrar que o Consello de Ministros de Agricultura comunitario quixo lanzar unha sinal clara ao sector, e mesmo á Comisión Europea, sobre a importancia destas iniciativas, ao tempo que a ministra Espinosa dixo que o seu departamento fomentará a obrigatoriedade do contrato de xeito universal.
Nos contratos vase incluir: cantidade, prezo, duración e garantía de recollida. Ademais, a fin de fomentar a súa utilización, a sinatura de contratos homologados será “conditio sine qua non” para acceder ás diferentes axudas nacionais ou comunitarias. Por outra banda, no preacordo incorpórase, tamén, o fomento das organizacións de produtores no sector, coa finalidade de favorecer a negociación colectiva dos prezos e a posta en marcha de medidas para concentrar a oferta.
Xóvenes Agricultores confía en que estes acordos sexan ratificados polas industrias e se poida iniciar unha fase fructífera de relacións interprofesionais estables, desbloqueando a actual situación de prezos á baixa, comezando deste xeito unha etapa de estabilidade para os produtores, cunha irrenunciable subida dos prezos do leite e unha referenciación clara e transparente aos mercados do noso entorno.
Deja un comentario