O secretario de Agricultura e Gandería de UUAA, Xosé Ramon González, vén de reunirse co subdelegado do Goberno en Ourense, Roberto Castro García para informalo da gravidade da situación que están atravesando os produtores ourensáns tras o paso da cadea de temporais dos meses de xaneiro e febreiro.
No marco do encontro o responsable sindical fixo fincapé na importancia de habilitar axudas urxentes de circulante para que os agricultores poidan afrontar os custes dunha nova sementeira posto que toda a produción que estaba na terra esta botada a perder.
Do contrario o sindicato Unións Agrarias advirte que esta catástrofe pode levarse por diante a moitos produtores que non poden soportar as perdas se non se habilitan medidas como a condonación das cotas da Seguridade Social dos afectados. Por outro lado Galicia insiste en se que adapte a realidade da súa produción agrogandeira os modelos de seguros agrarias, xa que os existen no mercado non recollen as súas necesidades.
Lembrar que pola peritaxe que están realizando os técnicos das oficinas de Unións Agrarias en Ourense, a magnitude dos danos nas explotacións agrogandeiras xa pode estar superando os 6 millóns de euros. Nesta cuantificación destaca as perdas que están sufrindo os produtores de cereal cunha incidencia que pode roldar xa os 3 millóns de euros.
Tamén son intensos os danos da gandería tanto bovina como ovina e caprina, xa que a intensidade das choivas fixo que a colleita de forraxe se atope moi comprometida e os prados e pasteiros estragados pola cantidade de auga que soportan. Esta situación está provocando que os gandeiros teñan que acudir a comprar pensos e concentrados para poder darlles de comer aos animais. Un sobrecoste que pode superar os 2 millóns de euros.
Finalmente tamén na horta se está notando a incidencia do mal tempo, tanto polos estragos sufridos nas infraestruturas de invernadoiros como polos atrasos que se están dando nas sementeiras da pataca temperán, que é que ten mellor saída no mercado. Un escenario que pode roldar danos e perdas por valo de 1 millón de euros.
Deja un comentario